Civil Consciousness - Հայտնի մարդիկ, ովքեր ունեցել են էպիլեպսիա
  • :
  • :


Հայտնի մարդիկ, ովքեր ունեցել են էպիլեպսիա

«Էպիլեպսիա» տերմինը 11-րդ դարում առաջին անգամ օգտագործել է Ավիցեննան։ Էպիլեպսիան իրենից ներկայացնում է քրոնիկական հոգեկան հիվանդություն, որը դրսևորվում է գիտակցության նոպայանման խանգարումներով և ցնցումներով:

Բժշկագիտության պատմության մեջ կան կարծիքներ, ըստ որոնց էպիլեպսիան հոգեկան խանգարում է, սակայն մասնագետների մեծ մասն այժմ հակված է կարծելու, որ այն ոչ մի ընդհանրություն չունի հոգեկան հիվանդության կամ թուլության հետ: Ասում են նաև, որ էպիլեպսիան տկարամտության կարող է հանգեցնել: Սակայն, եթե հաշվի առնենք այն հանգամանքը, որ պատմությանը մեջ շատ ու շատ նշանավոր մարդիկ են տառապել էպիլեպսիայով, ապա այս հիվանդությունը տկարամտության հետ ևս չպետք է կապել: Նապոլեոն, Հուլիսոս Կեսար, ռուս դասական Ֆյոդր Դոստոևսկի, Վան Գոգ, Ալֆրեդ Նոբել. այս հանճարների և էլի շատերի հիվանդության ուսումնասիրությունը ցույց է տալիս, որ քրոնիկ էպիլեպսիան լիովին համադրելի է անգամ շատ բարձր ինտելեկտի հետ ու ոչ մի առումով չի խոչընդոտում հանճարեղությանը: Ստացվում է, որ նոպաները բացասաբար չեն անդրադառնում մտավոր կարողության վրա:

Կամիլ Պիսարոն Վան Գոգի մասին ասել է. «Այդ մարդը կա՛մ պետք է խենթանար, կա՛մ էլ գերազանցեր մեզ բոլորիս: Ես չէի էլ սպասում, որ երկու ենթադրություններն էլ կհաստատվեն»: Գեղանկարչության ոլորտում իր ստեղծագործական գործունեությունը սկսել է 1880թ., երբ արդեն 27 տարեկան էր: Կյանքի վերջին տասը տարիների ընթացքում Վան Գոգը դարձել է ավելի քան 2000 ստեղծագործությունների հեղինակ: Կյանքին հրաժեշտ տալուց առաջ երկու ամսվա ընթացքում նկարել է 90 նկար, սակայն կտավներից և ոչ մեկը չվաճառվեց իր կենդանության օրոք: Իսկ այժմ նրա ստեղծագործությունները պահպանվում են աշխարհի ամենանշանավոր թանգարաններում:

Հուլիոս Կեսար. նրա հիվանդության մասին իր ողբերգության մեջ նկարագրում է Շեքսպիրը. «Այնժամ նա կորցրեց գիտակցությունն ու ընկավ: Նա ընկավ շուկայի հրապարակում: Նրա բերանից փրփուր էր դուրս գալիս: Նա չէր խոսում»: Կեսարի էպիլեպտիկ լինելու մասին են վկայում նաև հին հռոմեական աղբյուրները:

Ֆյոդր Դոստոևսկի. նա ամենահայտնին է էպիլեպտիկների մեջ:
Հին Իռլանդիայում էպիլեպսիան անվանել են «Սբ Պողոսի հիվանդություն», քանի որ առաքյալը տառապել է էպիլեպսիայով:
Լեոնարդո դա Վինչի. ինժեներ, տեխնիկ, անատոմ: Ուսումնասիրության առարկա հանդիսացող ամեն մի բնագավառում նա կանոնավորապես խորացնում ու ընդլայնում էր իր գիտելիքները,ստուգում փորձով ու կապ ստեղծում մաթեմատիկաի հետ: Նրա գիտելիքները վիթխարի էին:

Ալֆրեդ Նոբել. քիչ էր մնացել, որ նա կյանքի առաջին տարիներին իր մահացած քույրերի ու եղբայրների ճակատագրին արժանանար: Շատ հիվանդոտ էր, ֆիզիկապես թույլ: Եվ միայն մոր խնամքի շնորհիվ է կենդանի մնացել: Տարիներ անց այդ նոպաներն անցել են: Նա դրանք նկարագրել է որպես ցնցումներ ու հոգեվարք:

Ճանաչված էպիլեպտիկների ցուցակը շատ մեծ է, ուստի կարելի է թվարկել նրանցից մի քանիսի անունը: Անգլիացի բանաստեղծ Լորդ Բայրոն, ֆրանսիացի գրող Գյուստավ Ֆլոբեր,Էլթոն Ջոն, Միքելանջելո, Նիկոլո Պագանինի, Լենին, Թոմաս Էդիսոն, Իսահակ Նյուտոն, Բլեզ Պասկալ, Պյութագորաս, կոմպոզիտորներ Հենդելը, Շումանը, Չայկովսկին, Բեռլիոզը, Բեթհովենը: Գրողներ ու փիլիսոփաներ Արիստոտելը, Դանթեն, Ագաթա Քրիստին, Լյուիս Քերոլը, Չարլզ Դիկկենսը, Սոկրատեսը:

Այսպիսով, ամփոփելով վերը նշվածը, կարող ենք գալ այն եզրակացության, որ էպիլեպսիան ոչ միայն չի խոչընդոտում հանճարեղությանը, այլ գուցե միավորում է այս հանճարներին իր խթանիչ ազդեցությամբ: Բնությունը լի է առեղծվածներով:




Նյութը պատրաստեց' Քրիստինե Մանգասարյան

Կայքում տեղադրված հեղինակային հոդվածները և այլ տեղեկատվական հրապարակումները լրատվամիջոցների կողմից օգտագործվելու դեպքում հղումը կայքին պարտադիր է։ Հրապարակման հեղինակի կարծիքը ոչ միշտ կարող է համընկնել խմբագրության կարծիքի հետ։

Դիտումներ`1429
Տեղադրվել է՝18:09:53 16-03-2014